फोनिज को २३ औं स्थापना दिवस विभिन्न कार्यक्रम गरि मनाउने

वीरगन्ज , २२ साउन ।
नेपाल आदिवासी जनजाती पत्रकार महासघ ( फोनिज ) को २३ औं स्थापना दिवस विभिन्न कार्यक्रम गरि मनाउने भएको छ ।
आगामी साउन २७ गते शुक्रबारका दिन रक्तदान गरि मनाउने भएको छ ।
बीरगंजको होटेल कुमु पार्टी प्यालेसमा आज फोनिज पर्साका अध्यक्ष अजित कुमार भुजेलको अध्यक्षतामा बसेको बैठकले सो निर्णय गरेको हो।बिरगंजमा रगतको अभाव भएसङै बारा, पर्सा र रौतहट देखि आउने बिरामीहरुलाई आवस्यक रगत सजिलै उपलब्ध होस भन्ने उदेश्यले रगत अभाव हुन नदिन सो रक्तदान कार्यक्रम गरि मनाउने निर्णय गरेको अध्यक्ष भुजेलले बताए ।
त्यसैगरि सो बैठकले फोनिज पर्साको बैंक खाता सिभिल बैंक आदर्शनगर शाखामा खोल्ने निर्णय समेत भएको अध्यक्ष भुजेलले जानकारी गराएका थिए ।
बैठकमा फोनिज पर्साका उपाध्यक्ष मुनेश लायो मगर , सचिव राम मन्डल , सहसचिव एन्जल चौधरी , कोषाध्यक्ष संतोषमान रन्जितकार , सदस्यहरु शेखर चौधरी , सन्जय दास थारु , दिपेन्द्र चौधरी , फोनिजका केन्द्रिय सदस्य निरज पिठाकोटे मगर लगायतको उपस्थिति रहेको थियो ।