काठमाडौं, साउन ७ गते । पछिल्लो २४ घण्टामा ३३५ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार कुल दुई हजार ९९६ जनाको कोरोना परीक्षण गर्दा ३३५ जनामा सङ्क्रमण पुष्टि भएको हो ।
पछिल्लो २४ घण्टामा एक हजार ८८ पीसीआर परीक्षण गर्दा २१६ र एक हजार ९०८ एन्टीजेन परीक्षण गर्दा ११९ जनामा सङ्क्रमण देखिएको मन्त्रालयले जनाएको छ ।
त्यस्तै, पछिल्लो २४ घण्टामा ८६ जना सङ्क्रमण मुक्त भएका छन् भने सोही समयमा मृत्यु दर भने शून्य छ ।
अहिले देशभर सक्रिय सङ्क्रमितको सङ्ख्या २९ सय ७१ पुगेको छ । पछिल्लो २४ घण्टामा दुई लाख ३६ हजार ७३८ जनाले कोरोनाविरुद्ध खोप लगाएका छन् ।सभार गोरखापत्र अनलाइन
आफ्नो प्रतिक्रिया दिनुहोस
