निःशुल्क स्वास्थ्य शिविरको सम्पन्न

रोट्रयाक्ट क्लव अफ वीरगञ्ज मेट्रोपेलिसलेद्वारा निःशुल्क स्वास्थ्य शिविरको सम्पन्न भएको छ । शनिबार वीरगंज महानगरपालिका वडा – २६ आठराहा सुगौलीमा निःशुल्क स्वास्थ्य शिविर सम्पन्न भएको हो । रोट्रयाक्ट क्लब अफ वीरगंज मेट्रोपेलिसका अध्यक्ष रबिन श्रेष्ठका अनुसार शिविरमा तिन सय जनाभन्दा बढीले स्वास्थ्य परिक्षण गराएका थिए।
शिविरमा त्रिलोकी क्लिनिक वीरगंजका विशेषज्ञ चिकित्सक डा. सिभ कुमार झा, किरण आँखा अस्पतालका टिम र डा. अमर क्याल, सहारा डेन्टल केयर वीरगंजका डा. एहसान आलम अन्सारीले विरामीहरुको स्वास्थ्य परिक्षण गरेका थिए । वीरगञ्ज महानगरपालिका २६ अठराहा सुगौलीमा आयोजित शिविरका कारण स्थानी बालबालिका तथा जेष्ठ नागरीकलाई निःशुल्क शिविरले उपलब्धी भएको क्लबका कम्युनिटी सर्भिस डाइरेक्टर आनन्द साह जानकारी दिए । शिविरमा महानगरपालिका वडा नम्बर २६ का अध्यक्ष शम्भु मिश्रा लगायतको उपस्थिती रहेको थियो । शिविरमा नेशनल मेडिकल कलेजका एमबीबीएस अध्यनरत विद्यार्थीहरुले प्राविधिक सहयोग गरेका थिए ।