बारा जिल्लाको परवानीपुर गाउँपालिका–५ मा अवस्थित एल.एस. न्यूरो एण्ड जेनेरल हस्पिटल प्रा।लि।द्वारा शुक्रबार बृहत रक्तदान कार्यक्रम सम्पन्न गरिएको छ। पछिल्लो समय वीरगंज क्षेत्रमा अत्यधिक गर्मीका कारण रक्त अभाव देखिएको अवस्थालाई मध्यनजर गर्दै कार्यक्रमको आयोजना गरिएको हो।
कार्यक्रममा प्रमुख अतिथि परवानीपुर गाउँपालिकाका अध्यक्ष (मेयर) राम क्षेत्री रहेका थिए भने अध्यक्षता हस्पिटलका प्रबन्ध निर्देशक रामप्रवेश प्रसाद कुर्मीले गरेका थिए।
विशिष्ट अतिथिका रूपमा नेपाल रेडक्रस सोसाइटी वीरगंज शाखाका सभापति बृज किशोर पटेल, रेशमकोठी उपशाखाका युवा संयोजक अभिलाष गुप्ता, हस्पिटलका प्रशासन प्रमुख विनोद पटेल, गण्डक प्रहरी बाराका इन्स्पेक्टर टुपेन्द्र श्रेष्ठ लगायत विभिन्न सामाजिक तथा प्रशासनिक व्यक्तित्वहरूको उपस्थिति रहेको थियो।
रक्तदान कार्यक्रममा २२ जना महिला सहित कुल ५२ जनाले रक्तदान गरेका छन्। रक्तदाता व्यक्तिहरूमध्ये सुमिन्त्रा कुमारी, गोविन्द साह, विक्रम चौधरी, डा। अनुज पटेल, सुनिल कुमार, दीपक साह, सगम साह, अनुषा, करुणा कार्की, डा। अब्तुश कास, डा। ओम गुप्ता, ऐशा सुनार, सन्दीप कुमारलगायत सामाजिक रूपले सक्रिय व्यक्तिहरू सहभागी थिए।
कार्यक्रममा नेपाल रेडक्रस सोसाइटी, रक्त संचार केन्द्र वीरगंजका प्राविधिक मनिष गुप्ता र समीर आलमसहितको टोलीले प्राविधिक सहयोग उपलब्ध गराएको थियो।
हस्पिटलका अनुसार यस रक्तदान कार्यक्रमले वीरगंज क्षेत्रमा देखिएको रक्त अभावलाई केही हदसम्म राहत दिने विश्वास लिइएको छ। संस्थाले आगामी दिनहरूमा पनि यस्ता सामाजिक सेवामूलक कार्यहरूमा सक्रिय भूमिका निर्वाह गर्ने प्रतिबद्धता जनाएको छ।
