वीरगन्ज,२७बैशाख । वीरगन्ज महानगरपालिका वडा नम्बर १० घडिअर्वा टोलमा बिहीबार बिहान एक घरमा आगलागी भएको छ।
स्थानीय मोहन साह कानुको टिनको छाना भएको घरमा आगलागी भएको हो ।उक्त घर विनोद साहले भाडामा लिएर बस्दै आएका थिए ।आगलागबाट उक्त घर पूर्ण रुपमा जलेर नष्ट भएको छ ।घरमा रहेका सबै सरसामानपनि जलेर नष्ट भएको वडाध्यक्ष सुशील साह कानुले बताए ।क्षतिको विवरण प्रहरीले संकलन गरिरहेको उनले जानकारी दिए।
स्थानीयका अनुसार, एक्लै भाडामा बस्दै आएका विनोदले बिहीबार बिहान खाना पकाएर खाइवरी ज्याला मजदुरीका लागि बाहिर गएपछि घरमा आगो लागेको थियो।तर आगलागीको कारण भने खुल्न सकेको छैन।
उक्त घरमा लागेको आगो स्थानीय र प्रहरीले मिलेर निभाउँदै गरेका बेला वीरगन्ज महाागरपालिकाको वारुण यन्त्र आएको थियो ।
आफ्नो प्रतिक्रिया दिनुहोस
