वीरगञ्ज । उपराष्ट्रपति रामसहाय यादव महागढीमाईको दर्शनका लागि आज बारा आउँदै छन् ।
उनले आज बाराको महागढीमाईको दर्शन गर्ने कार्यक्रम तय भएको उनका निजी सचिवालयले जनाएको छ ।
आफ्नो निवासमा नागरिक समाजका अगुवा तथा आफन्तलाई भेटघाट गर्ने कार्यक्रम पनि तय भएको छ। महागढीमाईको दर्शनपछि उनलाई त्यहाँको गढीमाई नगरपालिकाले सम्मान गर्ने कार्यक्रम समेत राखेको छ ।
त्यस्तै भोलि चैत १३ गते उनले बाराकै करैयामाइको दर्शन गने कार्यक्रम रहेको छ । सो दर्शनपछि करैयामाई गाउँपालिका र सिम्रौनगढ नगरपालिकाले उनलाई सम्मान गर्ने कार्यक्रम राखिएको छ ।
उनी १४ गते काठमाडौँ फर्किने कार्यतालिका रहेकाे छ । बारा उपराष्ट्रपति यादवको गृह जिल्ला पनि हो ।
आफ्नो प्रतिक्रिया दिनुहोस
