पर्सा क्षेत्र नं १ को प्रतिनिधि सभा सदस्य पदका उम्मेदवार अजय कुमार द्विवेदीले दीपावली र छठ बाट ज्ञान शक्ति विवेक आर्जन गरेर मतदान गर्दै गर्दा आफनो मनलाई मेरो प्रतिनिधि कस्तो चाहिन्छ भनेर सोध्न आग्रह गरेका छन ।
शनिवार माइस्थानमा नेपाली कांग्रेस वीरगंज महानगर समितिले आयोजना गरेको चियापान कार्यक्रममा सहभागी द्ववेदीले त्यहा उपस्थित पत्रकाहरुको जिज्ञासाको जवाफ दिदै यस्तो बताएका हुन ।
उनले दीपावली र छठ पर्वको अवसरमा आम मतदाता र नागरिकलाई शुभकामना दिएका छन । आफनो मनलाई सोध्दा भरोसा गर्न लायक मान्छे अजय द्विवेदी हो भन्ने जवाफ आयो भने मतदान गर्नुहोस मात्र भन्दिन तपाई जाहा हुनुहून्छ त्यही अजय द्विवेदी बनेर उभिन उनले आग्रह गरे ।
नेपाली कांग्रेसले अवसरको वितरणमा न्याय गर्न नसकेपछि पार्टी भित्रका कार्यकर्ता नेताहरुको मतलाई नेतृत्व प्रदान गर्दै बिद्रोह गरेर निर्वाचनको मैदानमा उत्रिएका द्विवेदीकालागि पार्टी पंक्तिको परिचालन जस्तो सुविधा भने प्राप्त छैन । त्यसैले उनले हरेक ठाउमा अजय बनिदिन आफना सर्मथकहरुलाई अपिल गरेका हुन ।
उनले आम जनतालाई अपिल गर्दै भनेका छन “आजको राजनीतिबाट जनता ठगिएका छन ,जसको कुनै मूल्य छैन आम जनताको महत्वलाई निषेध गरिएको छ ।
दलतन्त्र त्यो भित्र गुटतन्त्र र गुटतन्त्र भित्र पनि नेतातन्त्र हावी भएर लोकतन्त्रको अपहरण भएको यो संगीन अवस्थामा आम मतदाता प्रति भरोसा गरे तपाईको लोकतन्त्रको रक्षाकालागि चुनावमा होमिएको छु” ।
संबिधान सभाका सदस्य समेत रहेका द्विवेदी बडो भावुक हुदै भने “उम्मेदवारको रुपमा भौतीक अनुहार त मेरो हो तर म त तपाईको र हाम्रो लोकतन्त्रको आवाज मात्र हो ।
नेपाली कांग्रेस पर्साको सभापति समेत रहेका द्विवेदी निरंकुश पंचायती तानाशाही ब्यवस्थाको विरुद्ध पर्सेली युवा बिद्यार्थीआन्दोलनका एक जुझारु अगुवा नेता समेत हुन ।
तिनै द्विवेदी यतिवेला जनताको आवाज उठाउन अपहरित लोकतन्त्रको मर्मलाई जनताको सेवा कर्ममा फिर्ता ल्याउने अठोटका साथ निर्वाचनको मैदानमा उत्रिएको बताउनछन ।
उनले आम मतदातालाई अपिल गर्दै भनेका छन तपाईको आवाज उठाउछ, लोकतन्त्रको लाभ आम जनतामा पु¥याउन भूमिका खेल्न सक्छ भन्ने लागेमा मत दिनुनहोला ।
नेपाली कांग्रेसका सभापति मणीन्द्रलाल नेपालीको अध्यक्षतामा भएको चियापान कार्यक्रममा नेपाली कांग्रेसका नेताहरु जसपाका नेता नेजामुदिन समानी, प्रदेश सभाका उम्मेदवार ओमप्रकाश सर्राफ नागरिक समाजका बिभिन्न सरोकार समुहका अगुवाहरुको सहभागिता रहेको थियो ।
