वीरगञ्ञ,२९ असोज । प्रदेशसभा सदस्यका स्वतन्त्र उम्मेद्वार रुपेशमान सिंहले मतदातासँगको भेटलाई तिब्र पारेका छन् ।
शनिबार बिहानै वडा नम्बर १ बजार छपकैयाँका मतदातासँग अन्तकृया गर्नुका साथै उनले सुझाव लिएका छन् ।
बजार छपकैयाँका मतदाताले अबको चुनावमा स्वतन्त्र उम्मेद्वार सिंहको पक्षमा मतदान गर्ने प्रतिबद्धता जनाएका छन् ।
आफू स्वतन्त्र उम्मेद्वार बनेर मतदाताको घरदैलोमा मत माग्न आइपुगेको भन्दै सिंहले जहिल्यै पनि मतदातासँगै रहेर काम गरेको स्मरण गर्दै आउँदा दिनमा पनि सँगै रहने प्रतिबद्धता जनाए ।
यस अघि विभिन्न राजनीतिक दलमा आवद्ध रहेका स्थानीय अहिले भने पार्टी नहेरी व्यक्ति हेर्ने भन्दै स्वतन्त्र उम्मेद्वार सिंहलाई विजयी बनाउने अभियानमा समाहित हुने बताएका थिए ।
स्थानीयले बजार छपकैयाँमा रहेको मसान घाट, छठ घाट व्यवस्थापन गर्न आग्रह गर्नुका साथै सडक निर्माणको माग राखेका थिए ।
स्थानीय ओमप्रकास गुप्ता, रविन्द्र महतो कोइरी, विजय सहनी, निरञ्जन मिश्र, जयप्रकाश महतो, अरसे आजम लगायत स्थानीयको सहभागिता थियो ।
