भोजपुरी फिल्म ‘रण’ भारतको मुम्बैई ,गुजरात र नेपालमा प्रदर्शन हुने भएको छ । भारतको मुम्बैई ,गुजरात र नेपालमा पहिलो पटक ४० भन्दा बढी सिनेमा हलमा प्रदर्शन हुने निर्माण टिमको भनाई छ । । असार १७ गते अथत जुलाई १ शुक्रबारबाट नेपालको विभिन्न हलमा फिल्म प्रदर्शनमा आउन लागेको हो।
निर्देशक चन्द्र पन्तको निर्देशन रहेको फिल्म यसअघि भारतको बिहार राज्यमा प्रदर्शन भइसकेको छ ।
फिल्मले मुख्यतः तराई मधेस केन्द्रित हलहरूमा बलियो उपस्थिति जनाउने र दर्शकको आकर्षण बढाउने धारणा निर्माण टिमको छ ।
‘रण’बाट नेपाली अभिनेता नरेन खड्काले भोजपुरीमा सशक्त डेब्यू गरेका छन् । अरुण कुमार मिश्रले फिल्म निर्माण गरेका हुन् । फिल्ममा नरेनसँगै आनन्द ओझा, काजल रघवानी, आएज खान, सिपी भट्ट, मनोज टाइगर, देव सिंह, अरुणकुमार मिश्र मुख्य अभिनय रहेको छ ।
फिल्मको कथा निर्देशक पन्तलेनै लेखेका हुन् । महेश पौडेलको छायांकन रहेको फिल्मको सम्पादन अर्जुन जिसीको रहेको छ ि
