युक्रेनको प्लान्टको अवस्था ‘खतरनाक’ रहेको संयुक्त राष्ट्रसङ्घका आणविक प्रमुखको भनाइ

भियना, ९ चैत (रासस÷एएफपी) ः संयुक्त राष्ट्रसङ्घीय आणविक निकायका प्रमुखले युक्रेनको जापोरिजिया विद्युत् गृहमा यसै महिना रूसी क्षेप्यास्त्र आक्रमणपछि त्यहाँको अवस्था ‘खतरनाक’ रहेको बताउनुभएको छ ।
युरोपको सबैभन्दा ठूलो आणविक ऊर्जा केन्द्रलाई आणविक इन्धन राख्ने रिएक्टर र पोखरीलाई चिसो पार्न पानी प्रवाह गर्ने पम्पहरू सञ्चालन गर्न भरपर्दो बिजुली आपूर्तिको आवश्यकता पर्दछ ।
आणविक ऊर्जा केन्द्रका प्रमुख राफेल ग्रोसीका अनुसार मार्च ९ मा रूसी आक्रमणपछि यो प्लान्ट एकल ‘ब्याकअप पावर लाइन’मा निर्भर छ ।
“युक्रेनको जापोरिजिया विद्युत् गृह अनिश्चित अवस्थामा छ,” ग्रोसीले बुधबार जारी गरेको विज्ञप्तिमा भनिएको छ ।
“प्लान्टको ग्रिडमा पहुँचको कमी र यसको अन्तिम आपतकालीन विद्युतीय लाइनमा आवश्यक मर्मत कार्यले बिजुलीको पूर्णहानि हुन सक्छ, जसले गर्दा रूसले एक वर्ष पहिले यसलाई कब्जा गरेदेखि सातौँ पटक डिजेल जेनेरेटरमा निर्भर हुन सक्छ,” ग्रोसीले भन्नुभयो ।
उहाँले भन्नुभयो, “म फेरि एक पटक प्लान्टमा आणविक सुरक्षा र सुरक्षा सुरक्षित गर्न सबै पक्षबाट प्रतिबद्धताका लागि आह्वान गर्दछु ।”
युक्रेनी आणविक ऊर्जा एजेन्सी एनरगोएटमका अनुसार प्लान्टको सुरक्षा प्रणालीलाई शक्ति प्रदान गर्न आपतकालीन डिजेल जेनेरेटरहरू सक्रिय गरिएको थियो । यसले दुर्घटनाको जोखिमको चेतावनी दिएको छ ।
यी जेनेरेटरहरूबाट उत्पादित बिजुली बिना, रिएक्टर इन्धनको अत्यधिक तातोले आणविक दुर्घटना निम्त्याउन सक्छ ।
यसैबीच युक्रेनका राष्ट्रपति भोलोदिमिर जेलेन्स्कीले जापानका प्रधानमन्त्री फुमियो किशिदासँग प्लान्टको अवस्थाबारे छलफल भएको बताउनुभएको छ । जेलेन्स्कीले मङ्गलबार पत्रकारसँग भन्नुभएको थियो, “हामीले हाम्रो आणविक प्लान्टको कब्जा हटाउनका लागि थप प्रभावकारी संयन्त्र कसरी पत्ता लगाउने भन्ने विषयमा छलफल गर्यौँ ।”